নিউজ ডেস্কঃ
ওড়িশাৰ কলিংগা ষ্টেডিয়ামত অনুষ্ঠিত এফ আই এইচ প্ৰ’ লীগৰ এক ৰোমাঞ্চকৰ খেলত ভাৰতীয় পুৰুষৰ হকী দলে এফ আই এইচ প্ৰ’ লীগৰ বর্তমানৰ বিশ্ব চেম্পিয়ন জার্মানীৰ বিৰুদ্ধে ১-০ গ’লত জয়লাভ কৰে৷ চলিত সপ্তাহৰ আৰম্ভণিতে একেটা প্ৰতিদ্বন্দ্বী দলৰ বিৰুদ্ধে ভাৰতে ৪-১ গ’লত পৰাস্ত হোৱাৰ পিছত ভাৰতৰ এই জয় এক শক্তিশালী প্ৰত্যাৱৰ্তন।
মেচখনৰ একমাত্ৰ গ’লটো গুৰজন্ত সিঙে কৰাৰ বিপৰীতে অধিনায়ক হৰমনপ্ৰীত সিঙৰ নেতৃত্বত ভাৰতীয় ডিফেন্সে জাৰ্মানীৰ আক্ৰমণৰ বিৰুদ্ধে দৃঢ়তাৰে থিয় দিছিল। অমিত ৰোহিদাসক অসাধাৰণ প্ৰদৰ্শনৰ বাবে খেলখনৰ শ্ৰেষ্ঠ খেলুৱৈ হিচাপে ঘোষণা কৰা হয়।
আনহাতে, মহিলা এফ আই এইচ প্ৰ’ লীগত ভাৰতীয় মহিলা দলটোৱে একেটা স্থানতে স্পেইনৰ বিৰুদ্ধে ১-০ গ’লত পৰাজয়ৰ সন্মুখীন হ’বলগীয়া হয়। ৪৯ মিনিটত স্পেইনৰ অধিনায়ক মাৰ্টা ছেগুৱে বিজয়ী গ’লটো দি নিজৰ দলৰ জয়ৰ ধাৰাবাহিকতা প্ৰতিযোগিতাখনত চাৰিখন মেচলৈ বৃদ্ধি কৰে।
ভাৰতীয় মহিলা দলটোৱে কাইলৈ ৫:১৫ বজাত জাৰ্মানীৰ বিৰুদ্ধে খেলাৰ বিপৰীতে ভাৰতৰ পুৰুষ দলটোৱে সন্ধিয়া ৭:৩০ বজাত এফ আই এইচ প্ৰ’ লীগৰ পৰৱৰ্তী মেচখন আয়াৰলেণ্ডৰ বিৰুদ্ধে খেলিব।
