● ইউ আই ডি এ আইৰ এপ ভিত্তিক আধাৰ আপডেট সেৱা আৰম্ভ
● নাম, জন্ম তাৰিখ, ঠিকনা আদি ঘৰতে বহি কৰিব পাৰিব আপডেট
দেশৰ লাখ লাখ লোকৰ বাবে এক বৃহৎ সকাহ ! ইউ আই ডি এ আইয়ে ঘোষণা কৰিছে যে আধাৰ কাৰ্ডধাৰীসকলে এতিয়া ঘৰৰ পৰাই নাম,ঠিকনা, জন্মৰ তাৰিখ আদিৰ দৰে মূল ব্যক্তিগত তথ্যসমূহ আপডেট কৰিব পাৰিব। পূৰ্বতে এনে ধৰণৰণ পৰিৱৰ্তনৰ বাবে আধাৰ কেন্দ্ৰলৈ যোৱাটো বাধ্যতামূলক আছিল।
ইউ আই ডি এ আই ম’বাইল এপৰ দ্বাৰা পৰিচালিত এই নতুন ব্যৱস্থাটোৱে অ’টিপি ভিত্তিক পৰীক্ষণৰ জৰিয়তে আধাৰ আপডেট কৰাৰ সুবিধা প্ৰদান কৰিব। জন্মৰ প্ৰমাণপত্ৰ, পাছপ’ৰ্ট, আৰু বিদ্যুৎ বিলৰ দৰে অফিচিয়েল ডাটাবেছৰ সৈতে সংযুক্ত এই এপটোৱে দ্ৰুতভাৱে আধাৰ আপডেট নিশ্চিত কৰিব।
ইতিমধ্যে এই প্লেটফৰ্মৰ সৈতে ২০০০ৰো অধিক মেচিন সংযুক্ত কৰা হৈছে, আৰু ২০২৫ চনৰ নৱেম্বৰৰ ভিতৰত এই সংখ্যা ১ লাখ হ’ব বুলি আশা কৰা হৈছে।
অৱশ্যে ইউ আই ডি এ আইয়ে স্পষ্ট কৰি দিয়ে যে বায়’মেট্ৰিক পৰিৱৰ্তন — অৰ্থাৎ ফিংগাৰপ্ৰিণ্ট বা আইৰিছ স্কেন আদিৰ বাবে সুৰক্ষাজনীত কাৰণৰ বাবে আধাৰ কেন্দ্ৰসমূহলৈ শাৰীৰিকভাৱে যোৱাটো প্ৰয়োজনীয় হ’ব।
এই পদক্ষেপ ই-গভৰনেন্স ব্যৱস্থা সৰল কৰাৰ দিশত আৰু আধাৰ কেন্দ্ৰসমূহত দীঘলীয়া শাৰী হ্ৰাস কৰাৰ দিশত নিৰ্ণায়ক হোৱাৰ লগতে জ্যেষ্ঠ নাগৰিক আৰু গ্ৰাম্য বাসিন্দাসকলক এই ব্যৱস্থাই যথেষ্ট উপকৃত কৰিব।
