শিৱসাগৰৰ পৰা ফাৰহান লস্কৰঃ
▶️ঐতিহাসিক শিৱসাগৰৰ শিৱদ’লৰ সন্মুখত প্ৰতিবাদত বহি মুখ্যমন্ত্ৰীক প্ৰত্যাহ্বান জনালে কৃষক মুক্তি, ছাত্ৰ মুক্তি সংগ্ৰাম সমিতি আৰু জাতীয় যুৱ বাহিনীয়ে
বিদেশী ন্যায়াধিকৰণত হিন্দু বাংলাদেশীৰ বিৰুদ্ধে চলি থকা গোচৰ প্ৰত্যাহাৰৰ চৰকাৰী সিদ্ধান্তৰ তীব্ৰ বিৰোধিতা জনাই কৃষক মুক্তি সংগ্ৰাম সমিতি, ছাত্ৰ মুক্তি সংগ্ৰাম সমিতি আৰু জাতীয় যুৱ বাহিনীয়ে। ঐতিহাসিক শিৱসাগৰ জিলা শিৱদ’লৰ সন্মুখৰ পৰা অৱস্থান ধৰ্মঘট আৰু প্ৰতিবাদী কাৰ্য্যসূচীৰ জড়িয়তে ৰাজ্য আৰু কেন্দ্ৰ চৰকাৰক প্ৰত্যহ্বান জনোৱা হৈছে। শনিবাৰে এক প্ৰতিবাদী কাৰ্য্যসূচীৰ জড়িয়তে থলগিৰি অসমীয়া সজাগ কৰাৰ লগতে সাৱধান আৰু শাসকীয় চৰকাৰখনৰ বিদেশী ন্যায়াধিকৰণত হিন্দু বাংলাদেশীৰ বিৰুদ্ধে চলি থকা গোচৰ প্ৰত্যাহাৰৰ দৃষ্টি নিক্ষেপ কৰা হয়।
দৌলমুখ চাৰিআলিত অনুষ্ঠিত প্ৰতিবাদ সভাত প্ৰতিবাদকাৰীসকলে অভিযোগ উত্থাপন কৰি কয় যে, চৰকাৰে এই সিদ্ধান্তৰ জৰিয়তে ৰাজ্যবাসীৰ স্বার্থ আৰু চুক্তিৰ বিপৰীতে বিদেশীক নাগৰিকত্ব প্ৰদানৰ পথ সুগম কৰিছে। প্ৰতিবাদকাৰী সকলে স্পষ্টভাৱে কয় যে, ধৰ্মৰ আধাৰত নাগৰিকত্ব প্ৰদান অসম চুক্তিৰ আত্মাৰ ওপৰত আঘাত আৰু অসমৰ জনসংখ্যাগত স্বভাৱক সংকটত পেলাব।
প্ৰতিবাদী বক্তাসকলে আহ্বান জনায় যে, বিদেশী চিহ্নিত যিকোনো ব্যক্তিক ধৰ্ম নির্বিশেষে অসম চুক্তি আৰু বিদ্যমান আইন অনুসৰি দেশৰ পৰা বহিষ্কাৰ কৰিব লাগিব। তেওঁলোকে চৰকাৰৰ এই সিদ্ধান্তৰ তীব্ৰ সমালোচনা কৰি কয় যে, ইয়াৰ ফলত অসমবাসীৰ জীৱন-জীৱিকা, সংস্কৃতি আৰু ভাষাগত অধিকাৰ বিপন্ন হ’ব। লগতে কয় যে, যদি চৰকাৰে সিদ্ধান্ত প্ৰত্যাহাৰ নকৰে। তেন্তে আগন্তুক দিনত বৃহত্তৰ গণ-আন্দোলনৰ গঢ়ি তোলা হ’ব।
