● দক্ষিণ আফ্ৰিকাৰ বিৰুদ্ধে খেলিব বোকাখাতৰ সন্তানে
● উৎফুল্লিত অসমৰ ক্ৰিকেটপ্ৰেমী–অসম ক্ৰিকেট সংস্থা
● প্ৰথম বাৰলৈ জাতীয় ক্ৰিকেট দলত এগৰাকী অসম সন্তান
অসমৰ ক্ৰিকেটপ্ৰেমীৰ বাবে এটা বিশেষ সুখবৰ ! ভাৰতীয় মহিলা ক্ৰিকেট দলত স্থান লাভ কৰিছে অসমৰ প্ৰতিভাবান ক্ৰিকেটাৰ উমা চেত্ৰীয়ে।দক্ষিণ আফ্ৰিকাৰ বিৰুদ্ধে অনুষ্ঠিতব্য ক্ৰিকেট শৃংখলাত ভাৰতীয় দলটোক প্ৰতিনিধিত্ব কৰাৰ সুযোগ লাভ কৰিছে বোকাখাতৰ সন্তান উমাই।
অহা ১৬ জুনৰপৰা ৯ জুলাইলৈ ভাৰতত অনুষ্ঠিত হ’ব ভাৰত আৰু দক্ষিণ আফ্ৰিকাৰ মাজত ক্ৰিকেট শৃংখলা। য’ত থাকিব এখন টেষ্ট মেচ,তিনিখন এদিনীয়া আৰু তিনিখন টি ২০ মেচ। লক্ষণীয়ভাৱে কেওটা ফৰমেটতে খেলাৰ দলত স্থান পাইছে বেটাৰ তথা উইকেটকীপাৰ উমা চেত্ৰীয়ে। ভাৰতীয় দলটোক নেতৃত্ব দিব হৰমনপ্ৰীত কৌৰে।
অসমৰ ক্ৰীড়াপ্ৰেমীৰ বাবে আজিৰ দিনটো এটি স্মৰণীয় দিন হৈ ৰ’ব। কাৰণ উমাৰ ৰূপত প্ৰথম বাৰলৈ এগৰাকী অসম সন্তানে জাতীয় ক্ৰিকেট দলত স্থান লাভ কৰিবলৈ সক্ষম হ’ল। উমাৰ অন্তৰ্ভুক্তিক লৈ উৎফুল্লিত অসম ক্ৰিকেট সংস্থা। সংস্থাৰ সভাপতি তৰংগ গগৈ আৰু সম্পাদক ত্ৰিদীপ কোঁৱৰে উমাক অভিনন্দন জ্ঞাপন কৰিছে।
ঘৰুৱা মাটিত উমাই কেনেদৰে প্ৰদৰ্শন কৰিব ? তালৈ এতিয়া অধীৰ অপেক্ষা অসমৰ ক্ৰিকেটপ্ৰেমীৰ।
