লিপি বিশেষজ্ঞ ভাস্কৰ বৰদলৈ
প্ৰাচীন অসমত এটা ভাষা পৰিয়াল আছিল ৷ তাৰ সংযোগী ভাষাটোৰ মান্যটোৱেই হৈছে আধুনিক অসমীয়া ভাষা৷ ই এই ভাষা পৰিয়ালটোৰ বসতি অঞ্চল বা অসমৰ বাবে অসমীয়া ভাষা এক যোগাযোগৰ মাধ্যম আছিল উজনি নামনি মধ্য অসম সকলোৰে কথিত ভাষাৰ শৈলী পৃথক যদিও সকলোৰে মান্য ভাষাৰ ৰূপটো হৈছে অসমীয়া ভাষা ৷বহুতে কয় সংস্কৃত ভাষাৰ পৰা অসমীয়া ভাষাৰ উৎপত্তি হৈছে কিন্তু এয়া এক ভ্ৰান্ত ধাৰণা ৷ ইয়াৰ কোনো প্ৰত্নতাত্বিক সাক্ষ্য নাই ৷
প্ৰকৃততে সংস্কৃত কোনো ভাষা নহয় ৷ভাৰতৰ কোনো ভাষাই সংস্কৃতৰ পৰা জন্মা নাই ৷স্বয়ং ঋকবেদে কৈছে যে সংস্কৃত ভাষা নহয় প্ৰচলিত ভাষাৰ সংস্কাৰিত এক ৰূপহে ৷ প্ৰাচীন শিলালিপিসমূহ লিখা হৈছিল সৰ্বমান্য আৰু সাধাৰণ মানুহে লিখা – পঢ়া ভাষাত ৷সৰ্বসাধাৰণ মানুহে বুজিব পৰা ভাষাত শিলালিপিসমূহ লিখা হৈছিল৷ কিন্তু তাৎপৰ্যপূৰ্ণকথা যে অতীজৰ দিনত সংস্কৃত সৰ্বসাধাৰণ মানুহে অধ্যয়ন কৰা অথবা শুনাৰ ক্ষেত্ৰত বাধা আছিল ৷ তেনেস্থলত সংস্কৃত ভাষাত লিপিসমূহ ৰচনা কৰাটো এক অৰ্থহীন কথা ৷
এটা বাৰ্তা সৰ্বসাধাৰণৰ মাজলৈ কঢ়িয়াই লৈ যোৱাৰ অৰ্থে লিপি ৰচনা কৰা হৈছিল ৷বহুতে কয় অসমত লিপিসমূহ সংস্কৃত ভাষাত ৰচনা কৰা হৈছে ৷অধ্যয়নৰ পৰা বা তথ্যৰ ভিত্তিত দেখা পোৱা গৈছে যে আটাইতকৈ অধিক জনমুৰী ভাষা আছিল অসমত প্ৰাই ২১০ টা ৷ইয়াৰ পৰা ধাৰণা কৰিব পাৰি যে প্ৰাচীন অসমত এক ভাষাৰ পৰিয়াল আছিল ৷ কিন্তু অসমীয়া ভাষাৰ লিপিৰ যিমান অধ্যয়ন হ’ব লাগিছিল সিমান হোৱা দেখা পোৱা নাযায় ৷এইক্ষেত্ৰত কোনটো লিপি অধিক গ্ৰহণযোগ্য তাৰ ওপৰত নিৰ্ভৰ কৰি সকলোৱে ইয়াক অধ্যয়ন কৰা উচিত ৷ প্ৰাচীন দিনৰ পৰা শিলালিপি তাম্ৰলিপি প্ৰত্নলিপিৰ ব্যৱহাৰ হৈ আছে ৷ইয়াৰ ভিতৰত কোনটো লিপি অধিক গ্ৰহণযোগ্য তাক লৈ অসমীয়া লিপিৰ গবেষণা অধ্যয়নৰ প্ৰয়োজন আছে৷
প্ৰত্নলিপিৰ ভাষা আৰু প্ৰাচীন অসমৰ ভাষা পৰিয়ালটোৰ ভাষা অধ্যয়ন কৰিলেহে প্ৰাচীন অসমীয়া ভাষাৰ সঠিক গবেষণা সম্ভৱ৷
(যোৰহাট দেৱীচৰণ বৰুৱা ছাত্ৰী মহাবিদ্যালয়ত ভাস্কৰ বৰদলৈয়ে আগবঢ়োৱা বক্তব্যৰ কিছু অংশ)
