● স্বাস্থ্য আৰু বহনক্ষমতাক প্ৰসাৰিত কৰাৰ লক্ষ্যৰে ভাৰতৰ ‘ফিট ইণ্ডিয়া’ চাইক্লিং টিউজডে’ অভিযান
● সমগ্ৰ দেশজুৰি ৫০০০০ লোকৰ অংশগ্ৰহণেৰে দেশৰ ৰাজধানীৰৰ পৰা আৰম্ভ এই অভিযান
● মেজৰ ধ্যানচান্দ ৰাষ্ট্ৰীয় ষ্টেডিয়ামৰ পৰা ক্ৰীড়া মন্ত্ৰী মনসুখ মাণ্ডাভিয়াৰ আনুষ্ঠানিক উদ্বোধন
ফিটনেছ আৰু সুস্থ জীৱনশৈলীৰ প্ৰসাৰৰ দিশত এক উল্লেখযোগ্য পদক্ষেপ হিচাপে ভাৰতৰ কেন্দ্ৰীয় যুৱ ও ক্ৰীড়া মন্ত্ৰী মনসুখ মাণ্ডাভিয়াই ৰাজধানী নতুন দিল্লীত ‘ফিট ইণ্ডিয়া’ চাইক্লিং টিউজডে’ আন্দোলনৰ উদ্বোধন কৰে।
নাগৰিকসকলক দৈনন্দিন জীৱনত শাৰীৰিক কাৰ্য্যকলাপ অন্তৰ্ভুক্ত কৰিবলৈ উৎসাহিত কৰা চৰকাৰী অভিযান ‘ফিট ইণ্ডিয়া মুভমেণ্ট’ৰ সৈতে এই সৈতে মাণ্ডাভিয়াই উদ্বোধন কৰে এই ‘চাইক্লিং টিউজ ডে’ পদক্ষেপৰ সাদৃশ্যতা আছে।
স্বাস্থ্য সজাগতা আৰু বহনক্ষমতাৰ বাৰ্তাক সমৰ্থন কৰিবলৈ এই অনুষ্ঠানটোত ভালেসংখ্যক ফিটনেছ অনুৰাগী, ছাত্ৰ-ছাত্ৰী, আৰু চাইক্লিং অনুৰাগীয়ে অংশগ্ৰহণ কৰে। অনুষ্ঠানত ভাষণ দি মন্ত্ৰীগৰাকীয়ে জীৱনশৈলীত ৰোগৰ বিৰুদ্ধে যুঁজ দিয়া আৰু এখন সুস্থ সমাজ গঢ়ি তোলাৰ ক্ষেত্ৰত শাৰীৰিক কাৰ্যকলাপৰ গুৰুত্বৰ ওপৰত গুৰুত্ব আৰোপ কৰে।
তেওঁ কয়, ‘চাইক্লিং কেৱল এটা খেল নহয়; ই সুস্থ হৈ থকা আৰু প্ৰদূষণ হ্ৰাস কৰাৰ এক উপায়। ফিট ইণ্ডিয়া চাইক্লিং মুভমেণ্টৰ দৰে পদক্ষেপৰ জৰিয়তে আমি নাগৰিকসকলক চাইক্লিংক তেওঁলোকৰ দৈনন্দিন জীৱনৰ অংশ হিচাপে গ্ৰহণ কৰিবলৈ অনুপ্ৰাণিত কৰাৰ লক্ষ্য ৰাখিছো।’
সমগ্ৰ দেশতে ২০১৯ চনত দেশৰ প্ৰধানমন্ত্ৰী নৰেন্দ্ৰ মোদীৰ নেতৃত্বত সক্ৰিয় জীৱনশৈলীক উৎসাহিত কৰি স্বাস্থ্য সম্পৰ্কীয় সমস্যাসমূহ হ্ৰাস কৰাৰ বহল প্ৰচেষ্টাৰ অংশৰে ফিটনেছৰ সংস্কৃতি গঢ়ি তোলাৰ দৃষ্টিভংগীৰে আৰম্ভ হৈছিল ফিট ইণ্ডিয়া মুভমেণ্ট৷
চাইকেল চলোৱাই কেৱল শাৰীৰিক সুস্থতাক প্ৰসাৰিত কৰাই নহয়, কাৰ্বন নিৰ্গমন হ্ৰাস কৰি ভাৰতৰ বহনক্ষমতাৰ লক্ষ্যত উপনীত হোৱাৰ ক্ষেত্ৰটো সহায় কৰিব। এই পদক্ষেপত অংশগ্ৰহণকাৰীসকলে দেশৰ নাগৰিকসকলকো এই আন্দোলনত যোগদান কৰি ফিটনেছক দৈনন্দিন অভ্যাস হিচাপে গঢ়ি তুলিবলৈ আহ্বান জনায়।
