বাংলাদেশত সংখ্যালঘু সম্প্ৰদায়ৰ ওপৰত আক্ৰমণৰ ঘটনাক গৰিহণা মহম্মদ ইউনুছৰ

শ্বেইখ হাছিনা নেতৃত্বাধীন চৰকাৰৰ পতনৰ পাছত বাংলাদেশত সংখ্যালঘু সম্প্ৰদায়ৰ ওপৰত হোৱা আক্ৰমণৰ ঘটনাক দেশখনৰ অন্তৱৰ্তীকালীন চৰকাৰৰ নেতা মহম্মদ ইউনুছে গৰিহণা দিছে।

ঘটনাবোৰ জঘন্য বুলি অভিহিত কৰি নবেল বঁটা বিজয়ী ইউনুছে প্রতিবাদত জড়িত থকা ছাত্ৰসকলক দেশখনত বাস কৰা হিন্দু, খ্রীষ্টান আৰু বৌদ্ধ পৰিয়ালসমূহক সুৰক্ষিতভাবে ৰাখিবলৈ আহ্বান জনায়।

ইফালে ৰাষ্ট্ৰসংঘৰ সাধাৰণ সচিব এণ্টনিঅ’ গুটেৰেছৰ উপ মুখপাত্র ফাৰহান হকেও দেশখনত সংখ্যালঘুৰ ওপৰত হোৱা আক্ৰমণৰ ঘটনাক লৈ জাতি-ধৰ্ম বা যিকোনো বৈষম্যৰ ভিত্তিত হিংসাৰ বিৰোধিতা কৰে। হিন্দু আৰু অন্যান্য সংখ্যালঘুসকলক সহায় কৰিবলৈ ৰাষ্ট্ৰসংঘ সাজু হৈ থকা বুলিও উল্লেখ কৰে।