কেৰিয়াৰ সন্ধান • অঞ্জু শাণ্ডিল্য

মেনেজমেণ্ট শিক্ষাৰ গুৰুত্ব
ব্ৰেণ্ড মেনেজমেণ্ট
মাৰ্কেটিং বিষয়ৰ এম বি এ পাঠ্যক্ৰমত ব্ৰেণ্ড মেনেজমেণ্ট বিষয়টো অন্তৰ্ভুক্ত কৰা আছে। ব্ৰেণ্ড মেনেজমেণ্টৰ বাবে নিৰ্দিষ্ট পাঠ্যক্ৰম নাই। কমিউনিকেচন আৰু এডভাৰটাইজিঙৰ পাঠ্যক্ৰম অধ্যয়ন কৰিও ব্ৰেণ্ড মেনেজমেণ্ট পঢ়িব পাৰিব। শিক্ষা আৰু কৰ্মসংস্থাপনৰ ক্ষেত্ৰখনত ব্ৰেণ্ড মেনেজমেণ্টৰ চাহিদা বৰ্তমান দিনকদিনে বৃদ্ধি পাইছে। কোনো এবিধ সামগ্ৰীৰ বিশ্বাসযোগ্যতা বৃদ্ধি কৰা, সামগ্ৰীবিধ ক্ৰয় কৰাৰ বাবে গ্ৰাহকক আকৰ্ষিত কৰিবলৈ ব্যৱহাৰ কৰা বিপণন কৌশলকে সাধাৰণ অৰ্থত ব্ৰেণ্ড মেনেজমেণ্ট বুলিব পাৰি। ব্ৰেণ্ড মেনেজমেণ্ট শিক্ষা গ্ৰহণ কৰা প্ৰাৰ্থীসকল প্ৰধানকৈ উদ্যোগ প্ৰতিষ্ঠান আদিৰ মাৰ্কেটিং বা বিপণন শাখাত জড়িত থাকে। নিয়োগৰ সম্ভাৱনা থকা শাখাসমূহ হৈছে— অট’মোবাইল উদ্যোগ, ই-কমাৰ্চ, বিজ্ঞাপন সংস্থা, ব্ৰেণ্ড কনছালটেন্সি, মিডিয়া হাউচ, নিত্য ব্যৱহাৰ্য সামগ্ৰী উত্পাদন গোট, বিত্তীয় সেৱা প্ৰদান সংস্থা ইত্যাদি। এই শাখাবোৰত মেনেজমেণ্ট ট্ৰেইনী, প্ৰডাক্ট মেনেজাৰ, মাৰ্কেট ৰিচাৰ্ছাৰ, ব্ৰেণ্ড মেনেজাৰ, মিডিয়া প্লেনাৰ, কেটেগৰী মেনেজাৰ, এডভাৰটাইজিং ষ্ট্ৰেটেজিট আদি পদবীত নিযুক্তি লাভ কৰে। ব্ৰেণ্ড মেনেজমেণ্টৰ বিভিন্ন বিভাগত এইসকল প্ৰাৰ্থীয়ে উদ্যোগ বা প্ৰতিষ্ঠান এটাৰ বাৰ্ষিক ব্যৱসায়িক পৰিকল্পনা আঁচনি আদি প্ৰস্তুত কৰে। লগতে দেশ-বিদেশৰ বিপণন সংস্থাবোৰকো দিহা-পৰামৰ্শ আগবঢ়ায়। বাণিজ্যিক পৰিকল্পনা প্ৰস্তুত কৰিবলগীয়া বিষয়সমূহ হৈছে— মাৰ্কেট এচেছমেণ্ট, কম্পিটিটিভ ৰিভিউ, মেক্ৰ’ইক’নমিক ট্ৰেণ্ডছ, ব্ৰেণ্ড পাৰফাৰমেন্স এনালাইছিচ, ৰেভিনিউ, গ্ৰছ মাৰ্জিনছ এণ্ড এক্সপেণ্ডিচাৰ। ব্ৰেণ্ড মেনেজমেণ্ট শাখাৰ অধীনত প্ৰাৰ্থীয়ে উত্পাদিত সামগ্ৰীৰ নিৰ্দিষ্ট স্তৰত থকা প্ৰতিযোগিতাৰ প্ৰতি লক্ষ্য ৰখা। পেকেজ ডিজাইন, উতপাদিত সামগ্ৰীৰ দ্বাৰা বজাৰ দখলৰ নীতি-নিৰ্দেশনা প্ৰস্তুত কৰা আৰু কাৰ্যক্ষেত্ৰত ৰূপায়িত কৰা, গ্ৰাহকক মনেবিচৰা ধৰণে মনোগ্ৰাহীকৈ প্ৰস্তুত কৰা, মাৰ্কেট শ্বেয়াৰ, চেলচ ভলিউম আৰু লাভৰ দিশটো পৰ্যালোচনা কৰা আদি কামবোৰ কৰিবলগা হয়। ব্ৰেণ্ড মেনেজমেণ্ট পাঠ্যক্ৰম গ্ৰহণ কৰিব পৰা কেইটামান শিক্ষানুষ্ঠানৰ ঠিকনা হ’ল- Indian Institute of Management, (Ahmedabad, Bangalore, Calcutta, Indore) S.P. Jain Instute of Management and Research, Mumbai, Symbiosis Institute of Management and Research, Mumbai, Symbiosis Institute Management Studies Pune, Mudra Institute of Communication (MICA) Ahmedabad.